NV NE SV SE


Sjómaðurinn 9 tbl. 2008


Smelltu á myndina til að skoða rafræna útgáfu (PDF) af nýjasta tölublaðinu.
8.2.2010 | Geir A. Guðsteinsson

Kynningarfundur fyrir fiskiðnaðinn um nýja matvælalöggjöf

Matvælastofnun heldur kynningarfund fyrir fiskiðnaðinn um nýja matvælalöggjöf fimmtudaginn 11. febrúar nk. kl. 14:00 í húsi Samtaka atvinnulífsins að Borgartúni 35 í Reykjavík þar sem breytingar sem snerta fiskvinnslur verða til umfjöllunar. Ný matvælalöggjöf tekur gildi 1. mars. nk. Kynningin er ætluð stjórnendum matvælafyrirtækja en samkvæmt skilgreiningu í löggjöfinni (Lög nr 143/2009) er matvælafyrirtæki fyrirtæki eða einstaklingur sem rekur starfsemi í tengslum við framleiðslu, vinnslu eða dreifingu matvæla á einhverju stigi, hvort sem það starfar í ágóðaskyni eður ei, og hvort sem það er einkarekið eða opinbert fyrirtæki. 
Lesa alla frétt >>



7.2.2010 | Geir A. Guðsteinsson

Rekstrarhagnaður Marel árið 2009 24,8 milljónir evra sem er 5,7% af veltu

Marel birtir nú meginniðurstöður rekstrar, efnahags og sjóðstreymis en endurskoðaður ársreikningur 2009 verður lagður fyrir stjórn félagsins til staðfestingar þann 9. febrúar nk. Tekjur af kjarnastarfsemi árið 2009 námu 434,8 milljónum evra og jukust jafnt og þétt á árinu. Marel er í hópi stærstu útflutningsfyrirtækja Íslands og er í fararbroddi á heimsvísu í þróun og framleiðslu á háþróuðum búnaði og kerfum til vinnslu á fiski, kjöti og kjúklingi. Hjá fyrirtækinu starfa um 3.500 manns um allan heim og starfrækir það skrifstofur og dótturfyrirtæki í meira en 30 löndum, auk 60 umboðsmanna og dreifingaraðila. Rekstrarhagnaður (EBIT) af kjarnastarfsemi var 24,8 milljónir evra, sem er 5,7% af veltu. Marel hélt áfram að styrkja samkeppnisstöðu sína á árinu með því að einbeita sér að samþættingu samstæðunnar og verulegum niðurskurði í útgjöldum, sem lækkaði kostnaðargrunn rekstursins um 25 milljónir evra.
Lesa alla frétt >>
4.2.2010 | Geir A. Guðsteinsson

Vöxt, fóðurnýtingu og fjárhag lúðueldis má stórbæta með eldi í lágri seltu

Áhrif seltu á vöxt, fóðurnýtingu og blóðlífeðlisfræði hefur verið kannað hjá lúðu og sýna niðurstöður að vöxtur og fóðurnýting er 20% hærri hjá lúðu aldri á lágri seltu (hér 15 prómill) og að þessi áhrif eru óháð stærð fisksins. Í heildina benda niðurstöðurnar til þess að vöxt, fóðurnýtni og fjárhag eldisins megi stórbæta með því að ala lúðu við u.þ.b. 15 prómill seltu. Þetta er m.a. niðurstaða rannsóknaverkefnis sem lauk hjá AVS á síðasta ári en verkefnið nefndist ,,Samppnishæft lúðueldi í strandeldisstöðvum”. Verkefnið samanstóð af 5 ólíkum verkþáttum. Gagnvirk áhrif ljóslotu og lágrar seltu á vöxt, blóðlífeðlisfræði og fóðurnýtingu lúðuseiða voru könnuð. Bætt fóðurnýtni og aukinn vöxtur sást í þeim hópum sem aldir voru við stöðugt ljós, og að auki fundust vísbendingar um jákvæð langtímaáhrif stöðugs ljós á seiðastigi á vöxt á seinni stigum.
Lesa alla frétt >>

Eldri fréttir


Nýjar bloggfærslur